Hjálp bloggvinir / Ert þú til í að birta þetta á þinni síðu?

Elísabet Sigmarsdóttir er fædd með sjaldgæfan sjúkdóm sem kallast Encephalocele. Hún er sú eina á landinu sem hefur lifað hann af hingað til. Afleiðingar hans eru ýmsar. Henni fer stöðugt aftur og er í dag í hjólastól. Elísabet er búin að fara í u.þ.b. 60 aðgerðir. Oft var henni ekki hugað líf en er í dag lífsglöð og bjartsýn ung kona þrátt fyrir alla þá þröskulda sem lífið hefur sett henni.

Elísabet leitar nú eftir stuðningsmanneskju eða liðsveislu, eins og það er kallað. Liðsmaður er hugsaður sem félagslegur stuðningur og er um 16 tíma á mánuði að ræða. Er það samkomulagsatriði á milli Elísabetar og þess sem stuðninginn veitir hvernig þessum tíma er varðveitt og hvenær. 

Það er í raun Reykjavíkurborg sem á að útvega stuðningsmanneskju en þeim hefur ekki tekist það og hefur Elísabet verið án þessarar þjónustu í 7 mánuði.  Engin vilji er þar á bæ til að ganga lengra til að bjarga málunum. Þetta fellur ekki undir forgangsröð borgaryfirvalda. Það vitum við öll.  Þetta skiptir hinsvegar öllu máli fyrir tilveru Elísabetar Sigmarsdóttur.

Viðkomandi hlýtur laun fyrir en samt óskum við eftir manneskju sem hefur áhuga á því að láta gott af sér leiða og gefa nærveru sína og félagsskap til þessarar fallegur og hugrökku vinkonu minnar.

Ef þú hefur tök á því og tíma, gerðu þá góðverk. Ef þú hefur verið að hugsa í mörg ár að þú ættir kannski að gefa eitthvað til baka þá er núna tækifærið.

Síminn hjá Elísabetu er: 587 - 6278 og netfangið: [e-mail] eða þú getur sent mér (Halla Rut) E-mail: [e-mail] ef þú vilt frekari upplýsingar.

Ég hér bið ykkur öll um að birta þetta á ykkar síðu sem færslu ef þið sjáið ykkur það fært.

Og svo er bara líka "nice" að senda henni kveðju: Elísabet.

Með samhug og kærleik

Halla Rut

 

 

 

Athugasemdir

[Skattborgari, 18.7.2008 kl. 12:34]

Ótrúlegt auðvitað á frekar að setja pening í svona liðveislu heldur en snobb rugl sem stjórnmálamenn virðast aðalega hugsa um.

Hvað ætli það kosti þjóðfélagið að vera ekki með svona liðveislu því að það hlýtur að geta valdið þunglyndi og það kostar heilbrigðiskervið seina meir.

Vonandi fær þessi grein einhverja til að hugsa. 

[S. Lúther Gestsson, 18.7.2008 kl. 12:42]

Hef einhvernvegin lúmskan grun um að þetta fari faraællega fyrst Halla Rut er komin með þetta á borðið sitt.

Greinin er komin yfir á mína síðu. 

[Halla Rut , 18.7.2008 kl. 12:59]

Takk fyrir það S. Lúther.

Skattborgari. Forgangsröðunin er með ólíkindum.  Ekki stendur á þessu liði þegar hjálp vantar í útlöndum en þegar á að eyða nokkrum krónum til að auka lífsgæði langveikrar og fatlaðrar konu þá má engin vera að því að spá í það.

[Agnar (IP-tala skráð) 18.7.2008 kl. 13:06]

Gangi ykkur sem allra best.

[jónas Indriðasson (IP-tala skráð) 18.7.2008 kl. 13:07]

flott blogg Halla.

[Helga Magnúsdóttir, 18.7.2008 kl. 14:02]

Vonandi fær hún þá aðstoð sem hún þarf. Vitanlega eiga svona mál að vera í forgangi hjá borginni.

[Halla Rut , 18.7.2008 kl. 14:07]

Ég vona það líka Helga.  Þetta er svo mikilvæg þjónusta. Það gætu svo líka einhverjir tveir tekið þetta að sér saman. Bara hugmynd.

[Ásthildur Cesil Þórðardóttir, 18.7.2008 kl. 14:39]

Sjálfsagt mál að hjálpa til með að birta þetta á vefsíðunni minni.

[Eva Lind Jónsdóttir, 18.7.2008 kl. 15:22]

Að sjálfsögðu á þetta að vera í forgangi hjá borginni..

ENN... þetta ætti líka að vera í ákveðnum forgangi hjá okkur!

16 tímar á mánuði eru 4 tímar í viku! Ég held að það ætti nú að vera einn eða tveir sem gætu gefið það af sér.

Ég er sjálf sjálfboðaliði í kvennaathvarfinu, svo mínum 16 tímum er vel varið!

Ef allir gæfu sér 16 tíma á mánuði í að hjálpa þeim sem virkilega þurfa á hjálp að halda... þá væri Ísland loks að verða að velferðasamfélagi 

Gott blogg, og gangi vel, Eva Lind.

[Ómar Ingi Friðleifsson , 18.7.2008 kl. 16:15]

Búin

Hilsen Halla mín

[Guðrún Emilía Guðnadóttir, 18.7.2008 kl. 16:47]

Blessuð Halla Rut, ég copy paste inn á síðuna hjá mér, við vonum það besta.
Aldrei hef ég skilið þann hugsunarhátt hjá ráðamönnum þessa lands,
að aldrei vilja þeir vita af því sem þeim þykir óþægilegt, í áratugi hafa þeir látið, "Óþægilegu málin", að þeirra mati svífa um loftin blá eins og þau séu ekki til.
Rétt hjá þér er, að öll vitum við hvað er sett í forgang hjá þessum
ráðamönnum.

                     Kveðja Milla.

[Skattborgari, 18.7.2008 kl. 16:58]

"Skattborgari. Forgangsröðunin er með ólíkindum.  Ekki stendur á þessu liði þegar hjálp vantar í útlöndum en þegar á að eyða nokkrum krónum til að auka lífsgæði langveikrar og fatlaðrar konu þá má engin vera að því að spá í það."

Er með ólíkindum minnir mig á gamlan félaga sem lítur alltaf á gallana hjá öðrum en hugsar ekkert um eigin galla. Laga fyrst til heima hjá sér líta svo til annara. Byrja á sínum eigin vandamálum svo getur maður pælt í vandamálunum í öðrum löndum.

Vonum að þetta verði lagað sem fyrst. Það eru miklu fleiri sem þurfa nauðsýnlega á þessu að halda. 

[Brynjar Jóhannsson, 18.7.2008 kl. 17:29]

Þar sem ég er svo klár þá birti ég ekki þessa grein

Heldur vísaði ég frekar á heimasíðuna þína.

Með því móti fást jafnvel enn fleirri til að vísa á síðuna þína og taka þátt

[Halla Rut , 18.7.2008 kl. 18:58]

Ég þakka ykkur öllum fyrir hjálpina.

[Halla Rut , 18.7.2008 kl. 19:29]

Ég nýti sjálf liðsmann tvisvar í mánuði fyrir son minn. Ég er svo heppin að mákona mín tekur það að sér. Það eru fáir eins góðir með drenginn minn og hún. Þetta er mikilvægari þjónusta en flestir geta ímyndað sér. Bæði fyrir hann, okkur foreldranna og ekki síst fyrir hina syni mína.

[Óskar Arnórsson, 18.7.2008 kl. 20:01]

Já, ég barðist fyrir liðveislu fyrir móðir mína sálugu. Enn hún hafði framið þann glæp að verða gömul og sjúk svo kerfið refsaði henni miskunarlaust fyrir það. 

Hún er dáin núna svo ég vona að allt félagsmálakerfið sé einu vandamálinu færra og óska ég þeim til hamingju með það.

Vona að þeir séu ánægðir...

..og ég er reynslunni ríkari og gæti unnið sem sjúkraliði hvar sem er. Próf á svoleiðis myndi ég bara skeina mér á þó mér væri boðið það..meiri andskotans anti-félagslega þjóðfélagið sem þetta Ísland er.. 

[Halla Rut , 18.7.2008 kl. 20:29]

Með lögum eru þeir skyldugir til að veita þessa þjónustu. Hvað ætli þeir spari á ári við það að þykjast ekki finna fólk í þetta?

[Guðrún B., 18.7.2008 kl. 20:49]

Sæl Halla Rut.  Ég tók mer það bessaleyfi að smella þessu í copy/paste inn á síðuna hjá mér.

Mér finnst þetta virkilega fallega gert af þér.

Bestu kveðjur  

[Skattborgari, 18.7.2008 kl. 21:08]

Setti þetta inn hjá mér koperaði þetta bara og linkinn á þessa umræðu hér. Kveðja Skattborgari.

[Halla Rut , 18.7.2008 kl. 21:13]

Guðrún, Hippókrates og Skattborgari.

Þakka ykkur innilega.

[Óskar Arnórsson, 18.7.2008 kl. 22:19]

það vantar lista yfir lögin sem á að fara eftir og hin lögin sem engin þarf að fylgja,,og ég er ekki einu sinni að djóka!..

[Halla Rut , 18.7.2008 kl. 22:22]

Þetta er nákvæmlega rétt hjá þér Óskar.

[Jens Guð, 18.7.2008 kl. 23:05]

  Ég var að sjá þetta og vind mér að sjálfsögðu í að vekja athygli á þessu á blogginu mínu.

[Rannveig H, 18.7.2008 kl. 23:08]

Halla ég til í að hjálpa ekki málið þú hefur bara samband.

[Halla Rut , 18.7.2008 kl. 23:32]

Þakka ykkur fyrir Jens og Rannveig.

Kannski bjalla ég í þig Rannveig á morgun.

[Rósa Aðalsteinsdóttir, 18.7.2008 kl. 23:53]

Sæl og blessuð.

Loksins er ég búin að setja inn greinina þína.

Halla Rut, þú ert hetja.

Guð blessi þig og launi fyrir að hjálpa Elísabet.

Kær kveðja/Rósa

[Halla Rut , 19.7.2008 kl. 00:19]

Rósa: Takk fyrir þetta. Við vitum nú ekki hvort þetta skili einhverjum árangri en við erum þó að reyna. Eins held ég að þetta fái fólk til að hugsa. Ég held að flestir viti ekki einu sinni að hægt sé að fá sér aukavinnu við það að verða liðsmaður.

[Þórarinn Þ Gíslason, 19.7.2008 kl. 00:35]

Sæl Halla Rut.

 Lofsvert framtak hjá þér,og svo sannarlega ætla ég að vona að einhver sem er aflögufær og með einlægan vilja,láti heyra í sér.

Elisabet er dugleg,--Hörkudugleg.

Megi þetta ganga upp,það  vona ég.

[Egill, 19.7.2008 kl. 01:00]

vona innilega að hún fái liðveislu.

 verst er að 7 mánuðir eru bara ekkert svo mikið, ég vinn á sambýli þar sem 3 hafa aldrei fengið liðveislu, 1 í viðbót mjög sjaldan og einhver ár síðan það var síðast.

þannig að þú afsakar þegar ég yppti öxlum yfir þessu öllu saman og fuss og sveia útí þá aðila sem fá 2 milljónir á mánuði fyrir að vera ....

tilbúin?

....

SENDIHERRA ÍSLANDA Í SUÐUR-AFRÍKU

Hvern FJANDANN höfum við að gera við sendiherra í suðurafríku, hún (er kona s.s.) fær hvað 5-6 heimsóknir á ÁRI.

já og aumingja maðurinn hennar fær peninga líka vegna tekna sem hann verður af því hann þarf að húka þarna í sólinni og spila golf allan helv daginn.

þá kemur spurningin, veit einhver hvaða fólk þetta er.

en aftur að liðveislu, aður en fólk sækir um liðveislu mætti það sækja um störf hjá svæðisskrifstofu málefna fatlaðra. það er friggin mannekla og ekki bjóðandi þeim aðilum sem sitja uppi með innan við öryggismörk af starfsfólki og geta ekkert gert um helgar sér til skemmtunar nema að húka heima vegna skorts á starfsfólki.

[Óskar Helgi Helgason, 19.7.2008 kl. 01:03]

Heil og sæl; Halla Rut, og aðrir skrifarar !

Tek undir; með ykkur. Þar sem ég er ei, tæknivæddur gjörla, sbr. (link fjanda, nokkurn), get ég ekki annað, en tekið undir, með ykkur, varðandi þessa háðung Reykvízkra, í þessu máli, auk mýmargra annarra, sem kappnæg eru fyrir, hjá þessu 15 menninga hyski, í Ráðhúsinu, við Reykjavíkurtjörn.

Með beztu kveðjum, sem jafnan / Óskar Helgi Helgason

[Róslín A. Valdemarsdóttir, 19.7.2008 kl. 01:07]

Ég nýtti mér minn "forgang", svo að vonandi að fólk gefi sér tíma, ef ég væri eldri en tvítug og á réttu svæði myndi ég taka þetta að mér, afhverju ekki að láta gott af sér leiða?

[Halla Rut , 19.7.2008 kl. 01:34]

Egill: Ég er nákvæmlega sammála þér með sendiherrana. Þetta er einhverskonar "redding" þegar stjórnarmenn eru með eitthvað lið sem það nennir ekki lengur að hafa í kring um sig. Að leggja eins svona skrifstofu niður gæti bjargað málunum á Svæðisskrifstofunni.

[Halla Rut , 19.7.2008 kl. 01:34]

Takk fyrir þetta Óskar og Róslín.

[Elín Katrín Rúnarsdóttir. , 19.7.2008 kl. 01:53]

Búin að færa inn á mitt blogg mín kæra

Gangi ykkur vinkonum vel.........Ég veit að eitthvað gott á eftir að gerast.

Knús

[Halldór Jóhannsson, 19.7.2008 kl. 09:53]

Góðan dag.Setti þetta inn hjá mér,þótt við þekkjum hvorki haus né sporð á hvort á öðru.En það skiptir ekki máli í svona bónum.Óska öllum góðs gengis.Kærleikskveðja.

[Óskar Arnórsson, 19.7.2008 kl. 10:50]

Búin að setja þetta inn á mitt blogg. Það vantar samskonar hjálp fyrir aðra konu sem ég þekki og hef aðstoðað...og get ekki lengur þar sem ég er ekki á landinu.

[Jón Magnússon, 19.7.2008 kl. 11:45]

Þakka þér fyrir að vekja athygli á þessu máli Halla. Ég sé að ýmsir hafa birt þetta á sínum síðum m.a. ofurbloggarinn Jens Guð. Ég ætla að birta þetta á minni bloggsíðu með þínu leyfi en ætla ekki að færa það inn fyrr en á sunnudagskvöld eða mánudagsmorgun þegar fólk er komið úr helgarferðunum þannig að þessi færsla lifi þá fram yfir helgi á blogginu. Nema

[Halla Rut , 19.7.2008 kl. 11:52]

Takk fyrir það Jón Magnússon. Og mikið rétt hjá þér, fólk er í fríi. Vona að við getum unnið frekar að slíkum málum saman í framtíðinni.

[Halla Rut , 19.7.2008 kl. 11:55]

Þakka ykkur Elín og Halldór.  Þótt við þekkjumst ekki Halldór þá erum við partur af sama samfélagi og það er okkur öllum til hagsbóta að þessi mál séu í lagi. Ég minni á; engin veit sína ævi fyrr en öll er.

[Guðrún Emilía Guðnadóttir, 19.7.2008 kl. 19:37]

Það er engin spurning að tíminn er ekki svo góður.
Var að komenta á síðuna hjá henni Elísabetu, að það væri snjallt að endurtaka þetta í vikunni næstu, það þarf að tiltaka dag.
Einnig var ég að segja að það væri örugglega fólk sem mundi vilja vinna svona smá, en væri bara ekki búið að uppgötva hvað það gæti gert bæði gagn og gaman fyrir sjálfan sig og aðra með því.
                      Kveðja Milla.

[Guðrún Emilía Guðnadóttir, 19.7.2008 kl. 19:47]

Var að skoða myndirnar af fjölskyldu þinni mátti til að koma inn með að þeir eru yndislegir strákapollarnir þínir.
Kveðja Milla.

[Óskar Arnórsson, 19.7.2008 kl. 19:59]

...Það vantar samskonar hjálp fyrir aðra konu sem ég þekki og hef aðstoðað...og get ekki lengur þar sem ég er ekki á landinu. Einhver áhugi?...halló!..

[Halla Rut , 19.7.2008 kl. 20:39]

Milla: Nú er ég og Rannveig hér að ofan með hugmynd um að taka þetta að okkur saman. Viltu vera með? Ef einhver annar bíður sig fram þá velkomin.

[Skattborgari, 19.7.2008 kl. 20:43]

Ég hef sjálvur þurft á liðveislu að halda þegar ég var yngri. þetta er gott fólk sem ég hef haft kynni af sem vinnur við þetta. Bróðir minn þurfti líka á þessu að halda.

Kveðja Skattborgari.

[Guðrún Emilía Guðnadóttir, 19.7.2008 kl. 20:58]

Halla Rut takk fyrir að spyrja mig, að sjálfsögðu er ég með,
Allt sem ég get gert á tölvuna, í síma eða maili því ég bý á Húsavík.
Láttu mig vita hvernig þið ætlið að fara að þessu.
Ef þú þarft að maila þá er það [e-mail]
              Kveðja Milla.

[Martha Elena Laxdal, 19.7.2008 kl. 21:05]

Þetta er frábær aukavinna með skóla t.d.

Annars eru til lög um liðveislu (10. kafli laga um málefni fatlaðra) eins og þú og Óskar voruð að koma inn á.  Samkvæmt 15. kafla skal "svæðisráð í málefnum fatlaðra...standa vörð um rétt fatlaðra um þjónustu samkvæmt lögum þessum og öðrum lögum eftir því sem við á."

Auðvitað á Svæðisþjónustan að standa fyrir atvinnuauglýsingum ef það vantar fólk á skrá við liðveislu. Það er alveg ótækt að þjónustuþegar þurfi sjálfir að redda sér - þá eru þeir í rauninni að vinna vinnu sem Svæðisþjónustan á að vinna og fær borgað fyrir.

ég trúi ekki öðru en að þetta leysist farsællega ;)

kv. Mel

[Halla Rut , 20.7.2008 kl. 18:10]

Takk fyrir þetta Dúa. Ég hef samband við þig. Erum að reyna að safna fimm manna hóp til að annast þetta.

[Jenný Anna Baldursdóttir, 20.7.2008 kl. 21:05]

Linkaði á þig Halla Rut í morgunn.

[Skattborgari, 20.7.2008 kl. 21:09]

Halla. Gengur ekki vel að fá fólk í þetta núna? Vonandi fara sem flestir og sækja um. Vonandi er búið að redda henni allavega.

[Guðrún Emilía Guðnadóttir, 20.7.2008 kl. 21:15]

Til hamingju með þetta Halla Rut mín ég fyllist gleði yfir þessu.
þú ert nú meiri undrakonan.
Kveðja
Milla.

[Rósa Aðalsteinsdóttir, 20.7.2008 kl. 22:23]

Sæl og blessuð.

Mikið er ég ánægð að vita að þetta mál er í höfn. Ég vildi óska þess að fleiri en Elísabet ættu svona frábæra vini. Elísabet er mjög lánsöm að hafa kynnst þér Halla Rut. Þú ert hetjan okkar í dag.

Við getum greinilega margt hér á blogginu þegar við tökum eitthvað mál og bloggum um það öll. Væri flott í framtíðinni og þá getum við haft fyrirsagnirnar alveg eins.

Takk fyrir að hafa fengið að taka þátt í þessu.

Baráttukveðjur fyrir þeim sem minna mega sín.

Guð blessi ykkur öll.

Kær kveðja/Rósa.

[Elísabet Sigmarsdóttir, 20.7.2008 kl. 22:31]

Nu erðin ansi spennt Halla, nei, ég er sko ekki hrædd við karlmenn ef hann getur gert það sem við töluðum um í dag og á ekki húsdýr er þetta frábært.  Ég hef þurft mikla  ummönnun frá karlmönnun  á sjúkahúsum í gegnum tíðina og fynnst þeir betri í þeim málum heldur en hjúkrunarkonur.

 Góð kveðja,

Elísabet. 

Glitter Rose Graphics

[Guðrún Emilía Guðnadóttir, 21.7.2008 kl. 07:40]

Gott hjá þér Elísabet, hef nefnilega sömu sögu að segja,
hef líka kynnst því á sjúkrahúsum, þeir eru bara betri.
Knús knús
Milla.

[Halla Rut , 21.7.2008 kl. 11:01]

Stundum þegar maður vill fá eitthvað gert þá verður maður að gera það sjálfur. :)